SBT Web — xidmət şərtləri

Müddət

Müqavilə minimum 12 aylıqdır. Sonra hər ay avtomatik uzadılır; dayandırmaq üçün 30 gün əvvəl yazılı bildiriş verilir.

Ödəniş

İlk 3 ayın abunə haqqı müqavilə imzalandıqdan sonra əvvəlcədən ödənilir. Sonrakı aylar — hər ayın 5-dək, hesab-faktura ilə. İllik ödənişdə 12 ay = 10 ayın qiyməti. Qiymətlərə ƏDV daxil deyil.

Vaxtından əvvəl dayandırma

İlk 3 ay ərzində dayandırıldıqda əvvəlcədən ödənilmiş məbləğ qaytarılmır və domenin qeydiyyat xərcləri ödənilir. 3-cü aydan sonra — 30 gün əvvəl bildiriş və bildiriş ayının haqqı.

Domen və fayllar

Domen müştərinin adına qeydiyyatdan keçir və müştəridə qalır. Abunə bitdikdən sonra saytın faylları bir dəfəlik ödənişlə təhvil verilə bilər.

Düzəlişlər

Paketə daxil aylıq düzəlişlər (mətn, şəkil, qiymət, mövcud bölmə) sorğudan sonra 3 iş günü ərzində edilir; istifadə olunmayanlar növbəti aya keçmir. Yeni səhifə və funksiyalar ayrıca qiymətləndirilir.

Gecikmiş ödəniş

15 gündən çox gecikmədə sayt borc ödənilənədək dayandırıla bilər (məlumatlar silinmir); 2 aydan çox gecikmədə müqavilə ləğv edilə bilər.

Sayt + CRM

SBT Web və SBT CRM abunəsi birlikdə olduqda hər ikisinə 20% endirim tətbiq olunur.

Məzmun

Saytda yerləşdirilən mətn və şəkillərin hüquqlarına və qanuna uyğunluğuna müştəri cavabdehdir.

Dəqiq şərtlər tərəflərin imzaladığı müqavilədə göstərilir.